أمشي مع الدنيا واشوف العجايب
دنيا تقلب كل يومً على حال
عرفتها من واقعي والتجارب
أفكار يادنيا التجاريب واهوال
أحدً ضحك بالسن ضحكة حبايب
في مظهره ولا الفعل فعل محتال
أخير منه ناقضات الذوايب
أللي بضحكتهن تجدد لي آمال
دنيا تعكر صافيات المشارب
تبعد عزيزً دوم ذكره على البال
واشوف فيها كل خايب وطايب
وكلً يغني داخل القلب موال
وكلً على مبداه مخطي وصايب
والعرف مابين الرجاجيل تمثال
عرفت قومً يحتمون المذاهب
واشوف ناس مالهم طيب ينقال
وخاويت ربعً واعتبرهم قرايب
لو ماتلاقينا بعمً ولا خال
هم في حياتي منوتي والطلايب
وأنا اعتبرهم للزمن رووس الأموال
هم مسندي لن هب ريح الهبايب
بالعسر كلً للحمل صار شيال
وإن طحت من جورالزمن في غبايب
كلً على شاني يطوح لي عقال
وإن عاش راسي قبل وضع النصايب
لأبقى على هقواتهم قول رجال
هذا شبابي قبل ماصير شايب
عسى خواتيم العمر طيب الأعمال
الجمعة أغسطس 24, 2007 11:57 am